वीरगंज | गभर्नर नियुक्त भएको करिब २ वर्षपछि महाप्रसाद अधिकारीको हस्ताक्षर ५०० रुपैयाँको नोटमा पनि देखिने भएको छ । २४ चैतमा २०७६ मा गभर्नरमा नियुक्त भएका अधिकारीको हस्ताक्षर भएको ५०० रुपैयाँको नयाँ नोट शुक्रबारबाट बजारमा ल्याइएको हो ।बिहीबारसम्म चलनचल्तीमा रहेका नोट पूर्वगभर्नर डा. चिरञ्जिवी नेपालको हस्ताक्षर रहेको थियो । राष्ट्र बैंकले नोट छपाईको तालिका नै बनाएर काम गर्ने गर्छ । एकपटक छापिएको नोट २ देखि ५ वर्षमा बजारमा चलनचल्ति रहने गर्छन् ।
नेपाल राष्ट्र बैंक मुद्रा व्यवस्थापन विभागका अनुसार शुक्रबारबाट ५०० रुपैायाँको नयाँ नोट प्रचलनमा ल्याएको जानकारी गराएको छ । साविककै आकार तथा रङ्मा संकेत नं. छ/ ३८ ०००००१ देखि झ ४२ ९९९९९९ सम्मका नोट छापिएको हो ।”नेपाल सरकारको जमानत प्राप्त यसको रुपैयाँ भुक्तानी माग्न आएमा नेपाल राष्ट्र बैंकबाट रुपैयाँ ५०० रुपैयाँ पाँच सय तुरुन्त पाइने छ।” भन्ने प्रतिज्ञामूलक वाक्यांश सहित नोटमा ११ विशेषता रहेका छन् ।
विशेषता
PLANMilestone
नोटको अग्र भागमा :
नोटको बायाँतर्फ सगरमाथाको चित्र
दायाँतर्फ लालीगुराँसको पानी छाप
नोटमा गभर्नरको दस्तखत रहने स्थानमा गभर्नर महा प्रसाद अधिकारीको दस्तखत
नोटको तल्लो भागको बोर्डरमा नोटको Series Number नेपालीमा ‘वि.सं. २०७७’ लेखिएको ।
३.५ मि.मी. चौडा भएको रङ्ग परिवर्तन हुने (नोटलाई सीधा हेर्दा रातो रङ्ग र ढल्काएर हेर्दा हरियो देखिने) सुरक्षण धागो रहेको
सगरमाथा हिमालको दायाँतर्फ अण्डाकारभित्र रङ्ग परिवर्तन हुने (नोटलाई सीधा हेर्दा सुनौलो रङ्ग र ढल्काएर हेर्दा हरियो रङ्ग देखिने कुबेरको चित्र रहेको
लालीगुरासको पानी छापको बायातर्फ फरक क्षमता भएका (दृष्टिविहीन) हरुले स्पर्श गरेर नोटको दर पहिचान गर्नका लागि दुईवटा कालो थोप्लाहरु रहेको
नोटको पृष्ठ भागमा :
नोटको मध्य भागको माथिल्लो खण्डमा अंग्रेजीमा ‘NEPAL RASTRA BANK’ लेखिएको
नोटको मध्य भागमा पाटेबाघको चित्र
नोटको तल्लो भागमा अंग्रेजीमा “RUPEES FIVE HUNDRED” लेखिएको
