बारा | बाराको जितपुर सिमरा उपमहानगरपालिका वडा नम्बर ७ गढीमाई मन्दिर अगाडी मोटरसाईकलले ठोकिंदा एक जनाको मृत्यु भएको छ । मोटरसाईकल र साईकल यात्री बिच एक आपसमा ठोकिएर सो दुर्घटना भएको हो । ठक्करबाट गम्भिर घाईते भएका उनलाई उपचारको लागी नारायणी अस्पताल, बिरगंज लैजाँदै गर्दा बाटो मै ज्यान गएको प्रहरी निरीक्षक यादवले जानकारी दिए ।

उक्त दुर्घटनाले मृत्यु हुनेमा बिरगंज महानगरपालिका वडा नम्बर १ स्थित छपकैया घर भई त्रिबेणी कम्पनीको बोरा फ्याक्ट्रीमा कार्यरत ४० वर्षको बिपिन कर्ण रहेको जिल्ला प्रहरी कार्यालयले जानकारी दिएको हो ।आजै मंगलबार कै दिन बिहान बिरगंजबाट जितपुर तर्फ जाँदै गर्दा कर्णलाई विपरित दिशाबाट आउँदै गरेको ना. ६३ प. ४११ नम्बरको मोटरसाईकलले ठक्कर दिएको हो ।

ठक्कर दिने मोटरसाईकलका चालक बिरगंज महानगरपालिका ३२ परसवा बस्ने २० वर्षिय कन्हैया चौधरी रहेको हो । उनललाई प्रहरीले पक्राउ गरी थप अनुसन्धान गरिरहेको प्रहरीले बताएको छ ।