हेटौंडा । हेटौंडा १९ नेवारपानीमा देउसी खेलिरहेको समुहलाई गाडीले ठक्कर दिँदा २ जनाको घटनास्थलमै मृत्यु भएको खबर प्राप्त भएको छ ।

शनिबार राति पूर्व–पश्चिम राजमार्ग अन्तर्गतको रजैया सडकखण्डमा गुडिरहेको बसले देउसे टोलीलाई किचेको प्रत्यक्षदर्शीले बताएका छन् । घटनामा ७–८ जना गम्भीर घाइते भएको स्थानीयको भनाइ छ । घटनापछि आक्रोशित स्थानीयले बसमा आगजनी गरेका छन् ।

हेटौंडाबाट नारायणगढतर्फ जाँदै गरेको बागमती प्रदेश ०३ ००१ ख ०९३६ नम्बरको बसले देउसी खेलिरहेकालाई ठक्कर दिएको हो । थप विवरण आउन बाँकी छ ।