वीरगञ्ज | चोरीको मोटरसाइकलसहित तीन जना पक्राउ परेका छन्। प्रहरीले वीरगञ्ज महानगरपालिका–१५ बस्ने २२ वर्षीय कैलाश महतो बाराको कलैया उपहानगरपालिका–४ बस्ने २२ वर्षीय बिनराज शर्मा र फेटा गाउँपालिका–३ बस्ने २० वर्षीय रबिनकुमार साहलाई चोरीको मोटरसाइकलसहित पक्राउ गरेको हो।

तीनै जनाले बीआर २२ एटी ९३२६ नम्बरको भारतीय बुलेट मोटरसाइकल चोरी गरी बा ८२ प ६४६० नम्बरको नक्कली नेपाली नम्बर प्लेट लगाई चलाउँदै आएका थिए।

तीनै जनालाई मोटरसाइकलसहित वीरगञ्जको भानु चोकबाट पक्राउ गरिएको पर्साका प्रहरी प्रवक्ता एवं प्रहरी नायब उपरीक्षक ओमप्रकाश खनालले जानकारी दिए।
पक्राउ परेका तीनै जनालाई चोरीसम्बन्धी कसुरमा कारबाही प्रक्रिया अगाडि बढाइएको खनालले बताए।