जनकपुरधाम | महोत्तरीमा ढोकाको पलामा चेपिएर एक बालकको मृत्यु भएको छ। जिल्लाको मटिहानी नगरपालिका– १ धिरापुरका प्रवोध साहका ९ वर्षीय छोरा आयुषकुमार साहको मृत्यु भएको जिल्ला प्रहरी कार्यालय महोत्तरीका प्रवक्ता प्रहरी नायब उपरीक्षक प्रकाश विष्टले जानकारी दिए।

मंगलबार बिहान आमासँग घर सरसफाइ गर्ने क्रममा ढोकाको पलामा आयुषको घाँटी अड्किएर घाइते भएका थिए। घाइते बालकलाई उपचारको लागि जिल्ला अस्पताल जलेश्वर लग्ने क्रममा बाटोमा मृत्यु भएको प्रवक्ता विष्टले बताए।

पोष्टमार्टमपश्चात शवलाई परिवारको जिम्मा लगाई थप अनुसन्धान थालेको जिल्ला प्रहरी कार्यालय महोत्तरीले जनाएको छ।