बीरगन्ज । बीरगन्ज महानगरपालिका वडा नं. १२ मूर्लीमा बाटो बिग्रेर स्कुलका बिद्यार्थीहरु तथा स्थानीयहरुलाई आवत जावतमा कठिनाई भए पछि ब्यापक जन दवावका कारण नाला सहित बाटो निर्माण हुन थालेको छ ।गत भदौ १६ गते स्थानीय युवाहरुको दवाब पछि सो बाटोको निरिक्षण गर्दै बीरगन्ज महानगरपालिकाका प्रमुख विजय सरावगीले बिग्रेको बाटो यथासिध्र निर्माण गराउने प्रतिवद्धता ब्यक्त गरेका थिए । सोही अनुसार बाटो निर्माण हुन थालेको स्थानीय प्रमोद महतोले बताए ।

करिब रु.३४०००००/- (चौतीस लाखकाे ) लागतमा निर्माण हुन लागेको उक्त बाटो नबन्दा बर्षायाममा स्थानीय बिधार्थीहरुलाई बिद्यालय आवत जावतमा ठूलो समस्या आउने गरेको थियो ।

गत वर्ष बाटो बिग्रेरकाे कारण बर्षायाममा स्थानीयलाई मर्का परे पछि समाजिक संजाल, पत्रपत्रिका लगायत स्थानीय स्तरमा ब्यापक जन दवाव भए पछि नगर प्रमुख सरावगीले सो बाटोको स्थलगत निरिक्षण भ्रमण गरी बाटो बनाउने आश्वासन दिएका थिए । सो बाटो र नाला निर्माण भए पछि टोलनै ब्यवस्थीत हुने भएकोले स्थानीयहरु खुशी भएका छन् ।