वीरगंज । दशैँको खानपानमा समयमा ध्यान दिन सकिएन भने बिरामी पर्न सकिन्छ । त्यसैले स्वास्थ्य नबिग्रियोस् भन्न समयमा खानपानमा ख्याल गर्नुपर्ने हुन्छ ।दशैँभर मासुको प्रयोग गर्ने चलने छ । यसकालागी एकै पटक दशैँभर प्रयोग गर्न झन्झट कम हुने भन्दै मासु पकाउने चलन छ । तर यो स्वास्थ्यको हिसाबले फाइदाजनक हुदैँन । त्यसैले चाँडमा सकेसम्म ताजा मासु खानु र कम खानु फाइदाजनक मानिन्छ ।

दशैँमा एक पटक पकाएको मासु दशैँभर खानुहुँदैन । यसमा प्रोटिन नास हुँदै गएको हुन्छ । धेरै लामो समयसम्म स्टोर गरेर राखेको मासुमा विभिन्न भ्याक्टेरिया, भाइसर र फङ्गाइहरु बस्दै जान्छन् । त्यस्ता मासु सेवन गर्दा झाडापखाला लाग्ने सम्भावना हुन्छ ।

पोषण नास हुने र परजिवीहरुको बस्ने ठाउँ पनि त्यही मासुमा हुन्छ । जसले गर्दा त्यस्ता मासु सेवन गर्दा विभिन्न किसिमको समस्याहरु देखिन्छ । धेरै दिनसम्म राखेको मासु खाँदा झाडापखाला, फ्रूड पोइजन, ग्यष्ट्रिक जस्ता समस्याहरु देखिन सक्छ । साथै राम्रोसँग नपाकेको मासु खाएमा मासुमा भएको किटाणु जिउँदै शरीरभित्र पस्ने र मानिसलाई समस्या हुने संभावना हुन्छ ।