इस्लामावाद | अफगानिस्तानको राजधानी जाने र आउने सबै उडानहरुमा रद्द गरिएका छन्। पाकिस्तानको अन्तर्राष्ट्रिय एयरलाइन्स (पीआईए) ले अफगानिस्तनको राजधानी काबुल जाने र आउने सबै उडानहरु रद्द गरेको हो।एयरलाइन्सले आफ्ना अधिकारीहरुमाथि तालिबानी अधिकारीहरुले अपमानजनक व्यवहार गरेको आरोप लगाएको छ। एयरलाइन्सले उनीहरुको रबैया अनप्रोफेसनल भएको बताएका छन्।

कम्पनीका प्रवक्ताले तालिबानीहरुले एयरलाइन्सका स्टाफहरुलाई धम्की दिएको र उडानको व्यवस्थामा हस्तक्षेप गरेको बताएका छन्।बिहीबार तालिबानले इस्लामाबाद र काबुलमा हुने उडानको टिकट कम गर्न आग्रह गरिएको थियो। उनीहरुले तालिबानले अफगानिस्तान कब्जा गर्नुअघि जुन टिकट थियो, सोही टिकट लागु गर्नसमेत आग्रह गरिएको थियो।

आफ्नो शर्तहरु नमानेमा उडानहरुमा प्रतिबन्ध लगाउने धम्कीसमेत तालिबानले दिएको छ। तालिबानले अगस्त १५ मा अफगानिस्तान कब्जा गरेपछि काबुल इस्लामावाद टिकट १० गुणा बढेको बताइएको छ।अफगानिस्तानमा तालिबानको कब्जपछि पाकिस्तानले विशेष उडान सुरु गरेको थियो। अफगानिस्तानबाट बाहिर निस्किन चाहनेहरुका लागि पाकिस्तानी उडान लाइफ लाइन बनेको थियो।