बीरगंज । कैलालीमा गाडीले मोटरसाइकललाई ठक्कर दिँदा गाडीमा सवार १५ जना घाइते भएका छन्।मंगलबार बिहान साढे १० बजे गौरीगंगा नगरपालिका–४ मा पूर्वपश्चिम राजमार्ग अन्तर्गत पश्चिमबाट पूर्वतर्फ गइरहेको से. १ ज. ११०५ नं. को विंगरले सोही बाटो क्रस गरिरहेको से. ६ प ५०२ नं. को मोटरसाइकललाई ठक्कर दिई अनियन्त्रित भई सडकको दाहिने तर्फको नालामा खसेको हो।

घाइते हुनेमा टिकापुर–३ बस्ने रमेश चौधरी, सोही ठाउँका २६ वर्षका सैरब चौधरी, २८ वर्षका अमिर चौधरी, कैलालीको बर्दगोरिया गाउँपालिका-१ बौनियाका २३ वर्षीया सुस्मा साउद छन्। यस्तै, बाँके कोहलपुर नगरपालिकाका वर्ष ३६ का महेश बहादुर चन्द, सोही ठाउँका ३५ वर्षीया सन्जु के.सी, वर्ष ७ का समिर चन्द रहेको प्रहरीले जानकारी दिएको छ।

अन्य घाइते हुनेहरूमा कञ्चनपुर लालझाडी गाउँपालिकाका वर्ष १८ का दिपेश विष्ट, विंगर मालिक गोदावरी नगरपालिका वर्ष ३२ का केशवराज भण्डारी, धनगढी उपमहानगरपालिका ७ बस्ने वर्ष २४ की सरस्वती चौधरी, लम्कीचुहा नगरपालिकाका ७ बस्ने वर्ष ३० का अजय पाण्डेय, अनुषा पाण्डेय, कञ्चनपुर कृष्णपुर नगरपालिकाका वर्ष ३४ का दिपक सुनार, गोदावरी नगरपालिका कैलालीका वर्ष २३ का नरेन्द्र साउद रहेका छन्।चालक कैलाली गोदावरी नगरपालिका वडा न. १० ओलानी बस्ने वर्ष २७ का नविन राज पाण्डेय पनि घाइते भएका छन्।घाइतेहरूको अधिकांश टाउको, खुट्टा र छातीमा चोट लागेको छ।घाइतेको सेती प्रादेशिक अस्पतालमा उपचार भइरहेको छ। विंगर चालकलाई प्रहरीले नियन्त्रणमा लगेको छ।