बीरगन्ज । सशस्त्र प्रहरी बोर्डर आउट पोष्ट (बिओपी) भीखमपुरको टोलीले १० केजी चरेश सहित दुईजनालाई पक्राउ गरेको छ । प्रतिबन्धित लागूऔषध ओसार पसार भईरहेको सूचनाका आधारमा गस्तीमा रहेको सशस्त्र प्रहरी बोर्डर आउटपोष्टका सशस्त्र प्रहरी निरीक्षक राजाराम बस्नेतको नेतृत्वको सशस्त्र प्रहरीले १० केजी चरेश सहित दुईजनालाई पक्राउ गरेको हो ।
बि आर २० एक्स २७३७ भारतीय नम्बरको मोटर साईकलमा नेपाल भारत सीमानाका पिडारीको सडकबाट जानकीटोला हुदै भारततर्फ तस्करी गईरहेको अवस्थामा पर्साको जगरनाथपुर गाउँपालिका वडा नम्बर २ बाट उनीहरुलाई पक्राउ गरेको सशस्त्र प्रहरी नेपाल १३ नम्बर गण पर्साका सशस्त्र प्रहरी उपरीक्षक राजेन्द्र खड्काले बताए ।
पक्राउ पर्नेमा पर्साको जीराभवानी गाउँपालिका वडा नम्बर ३ हरैयाका १८ बर्षका किसन माझी र १६ बर्षका सुनिल माझी रहेको सशस्त्र प्रहरी उपरीक्षक खड्काले बताए ।
