बिरगंज । बहुसंख्यक नागरिकलाई खोप लगाइएपछि विश्वको सबैभन्दा प्रभावित संयुक्त राज्य अमेरिकामा संक्रमण लगभग नियन्त्रणमा आइसकेकोमा फेरि महामारी बढ्न थालेको छ ।

पछिल्लो २४ घण्टामा त्यहाँ १ लाख ५७ हजार ४९६ जनामा संक्रमण भएको छ । यस्तै थप १ हजार ६९५ जनाको मृत्यु भएको छ । योसँगै अमेरिकामा ६ लाख ७१ हजार १५३ जनाको मृत्यु भइसकेको छ ।

यसैगरी भारतमा थप ४३ हजार ४०६ जनामा कोरोना भाइरसको संक्रमण पुष्टि भएको छ । पछिल्लो वृद्धिसँगै भारतमा संक्रमितको संख्या ३ करोड ३१ लाख ३८ हजार ८५६ पुगेको छ ।

भारतमा ३ लाख ९९ हजार ९०० जना संक्रिय संक्रमित छन् ।यस्तै त्यहाँ एकैदिन ३३९ संक्रमितको मृत्यु भएको छ । पछिल्लो विवरणसँगै भारतमा कोरोनाले मृत्यु हुनेको संख्या ४ लाख ४१ हजार ७८२ पुगेको छ ।