वीरगन्ज । पूर्वप्रधानमन्त्री एवं नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ र भारतीय जनता पार्टीका नेता विजय चौथाइवालेबीच भेटवार्ता भएको छ।

भाजपाका विदेश विभाग प्रमुखसमेत रहेका चौथाइवाले खुमलटार पुगेर प्रचण्डसँग भेट गरेका हुन्।भेटमा नेपाल–भारत सम्बन्ध र पार्टी–पार्टीबीचको सम्बन्धलाई अझ बलियो बनाउनेबारे छलफल भएको प्रचण्डकी स्वकीय सचिव गंगा दाहालले बताएकी छन्।

चौथाइवालेले यसअघि आइतबार प्रधानमन्त्री शेरबहादुर देउवा र सोमबार एमाले अध्यक्ष केपी ओलीसँग पनि भेट गरेका थिए।