सिरहा | सिरहामा ब्राउन सुगरसहित तीनजना पक्राउ परेका छन्। पक्राउ पर्नेमा जिल्लाको लहान नगरपालिका–२४ मनिकदहका १८ वर्षीय मनदीप विश्वकर्मा, वडा नम्बर ५ का ५२ वर्षीय रामदेव यादव र वडा नम्बर ५ का २५ वर्षीय दीपेन्द्र यादव रहेको जिल्ला प्रहरी कार्यालय सिरहाका प्रहरी प्रवक्ता प्रहरी नायब उपरीक्षक सुवास बुढाथोकीले जानकारी दिए।
तीनै जनालाई बिहीबार साँझ २ नम्बर प्रदेश प्रहरी कार्यालय जनकपुर र इलाका प्रहरी कार्यालय लहानबाट खटेको प्रहरी टोलीले लहान नगरपालिका–५ स्थित चेकजाँचको करिब ८ ग्राम ब्राउन सुगरसहित नियन्त्रणमा लिएको प्रवक्ता बुढाथोकीले जानकारी दिए।
पक्राउ परेका तीनै जनालाई इलाका प्रहरी कार्यालय लहानमा राखी थप अनुसन्धान थालेको जिल्ला प्रहरी कार्यालय सिरहाले जनाएको छ।
