वीरगञ्ज । पर्साको बहुदरमाई नगरपालिका वडा नम्बर ४ डोकैला बहुअरीस्थित नेपाल राष्ट्रिय उच्च माद्यामिक विद्यालयमा अध्ययनरत १ सय ४२ जना छात्राहरुलाई साइकल वितरण गरिएको छ ।प्रदेश नम्बर २ सरकारले अघि सारेको मुख्यमन्त्री बेटी पढाउ, बेटी बचाउ कार्यक्रम अन्र्तगत साइकल वितरण गरिएको हो ।
वडा नम्बर ४ का वडाअध्यक्ष रामरेखा सिँहको अध्यक्षतामा भएको साइकल वितरण कार्यक्रममा जनता समाजवादी पार्टी (जसपा) पर्साका अध्यक्ष रामनरेश यादव, सचिव तबरेज अहमद, केन्द्रिय परिषद् सदस्य बिपिन यादव, जसपा बहुदरमाई नगर अध्यक्ष सिँहासन साह तेली, जिल्ला सदस्य पन्नालाल तेली लगायतको उपस्थिती रहेको थियो ।
साइकल वितरणले छोरीहरुको बहुआयामिक विकासमा सहयोग गर्नेमा वक्ताहरुले जोड दिएका थिए । विद्यालयका प्रधानाध्यापक अजय यादवले स्वागत मन्तव्य व्यक्त गरेको कार्यक्रमको सहजीकरण प्रमोद यादवले गरेका थिए ।
