वीरगञ्ज । वीरगञ्ज महानगरपालिका वडा नम्बर १० स्थित श्री पन्नालाल माद्यामिक विद्यालयका १६ जना छात्राहरुलाई साइकल वितरण गरिएको छ । मुख्यमन्त्री बेटी बचाउ, बेटी पढाउ कार्यक्रमअन्र्तगत आदर्शनगरस्थित पन्नालाल माविका १६ जना छात्रालाई मंगलवार एक कार्यक्रमका बिच साइकल वितरण गरिएको हो ।

विद्यालय व्यवस्थापन समितिका अध्यक्ष कृष्ण साहको अध्यक्षतामा भएको कायक्रमलाई सम्बोधन गर्दै जनता समाजवादी पार्टी (जसपा) पर्साका अध्यक्ष रामनरेश यादवले वितरण गरिएको साइकलले आर्थीक हिसावले ठूलो अर्थ नराखेपनि अध्ययनका लागि प्रोत्साहन गर्ने विश्वास व्यक्त गरे ।

विद्यालयदेखि टाढा रहेका छात्राहरुलाई विद्यालय आवतजावतमा सहज हुनुका साथै विद्यालयको पहुँचभन्दा टाढा रहेका छात्राहरुलाई पनि विद्यालय आउन सन्देश दिने अध्यक्ष यादवको भनाई छ । प्रदेश सरकारको सह्रानीय कदमका कारण थुप्रै छोरीहरुलाई सहयोग पुगेको बताउँदै अध्ययनका लागि हौसला प्रदान गरेको उनले बताए ।

कार्यक्रममा जसपा पर्साका सचिब तबरेज अहमद, वडा नम्बर १० का वडाअध्यक्ष रामनगिना साह कानु, कार्यपालिका सदस्य सुशिल साह कानु, वीरगञ्ज महानगरपालिका न्यायिक समितिका सदस्य तुफैल अख्तर लगायतको उपस्थिती रहेको विद्यालयका शिक्षक बिनोद गिरीले जानकारी दिए ।