बिरगंज ।पर्सा प्रहरीले भन्सार छ्ली ल्याएका लत्ताकपडाहरु सहित मानिस र अटो पक्राउ गरेको छ ।

बिरगंज महानगरपालिका वडा नं.२१ स्थित गण्डक सडक खण्डमा ना.२ ह १८४३ नम्बरको अटोमा भन्सार छली गरी ल्याएका सर्टको थान कपडा र टि-सर्टहरू वीरगञ्जबाट

बाराको जितपुरतर्फ लाँदै गरेको भन्ने सूचनाको आधारमा आज बिहान ०९:०० बजे गरिएको प्रहरी कारवाहीको क्रममा उक्त नम्बरको अटो रोकी जाँच गर्दा बील बीजक विनाको उल्लेखित कपडाहरू फेला परेकोले उक्त अटो, कपडा र चालक जिल्ला पर्सा वीरगञ्ज म.न.पा.वडा नं.११ बस्ने वर्ष १८ को सोनु महमदलाई नियन्त्रणमा लिई रू.३,४७,४००।

–( तिन लाख सड्चालीस हजार चार सय) मूल्याङ्कन गरी आवश्यक कारवाहीको लागि आजै वीरगञ्ज भन्सार कार्यालयमा बुझाइएको जिल्ला प्रहरि कार्यालय पर्साका प्रवक्ता तथा सूचना अधिकारी प्रहरी नायब उपरीक्षक ओमप्रकाश खनालले जानकारी गराउनु भयो ।