वीरगञ्ज ।  नेपाल औषधी तथा बिक्रि प्रतिनिधि संघ पर्सा (एनएमएसआरए) काे आयोजनामा भएको रक्तदानमा ७२ पोका रगत संकलन भएको छ । शनिबार बीरगन्जस्थित माईस्थानमा भएको रक्तदानमा ५ महिलासहित ७२ जनाले रक्तदान गरेका हुन् ।संघको ५२ औँ वार्षिकोत्सवको अवसरमा रक्तदान कार्यक्रमको आयोजना गरिएको थियो ।

संघका पर्सा अध्यक्ष मनोज साहको सभापतित्वमा सम्पन्न कार्यक्रममा बीरगन्ज महानगरपालिकाका नगर प्रमुख विजय कुमार सरावगीको प्रमुख आतिथ्यता रहेको थियो भने कार्यक्रममा नेपाल मेडिकल एसोसिएसन पर्साका सचिव डा. उदय नारायण सिंह, एलपिडिए अध्यक्ष ताजुदिन अंसारी, शिवाजी यादव, पिएसईएन अध्यक्ष सल्लाहकार दिनेश सर्राफ, नबिल बैंकका शाखा प्रबन्धक सन्तोष साहलगायतकाको उपस्थिती रहेको थियो ।

रक्तदान गर्नेहरुमा अखिलेश प्रजापति, राजन बस्नेत, एलिशा उप्रेती, आशिस रेज्जा, शशि सर्राफलगायतका रहेका छन् ।निरन्तर समुदायको हितमा कार्यहरु गर्दै आएको संस्था, समुदाय प्रति सदैव उत्तरदायी रहने संस्थाका पर्सा अध्यक्ष साहले जानकारी गराए ।