वीरगन्ज ।बार्सिलोनाका पूर्वलिजेन्ड स्टार लियोनेल मेसी क्लबमा नरहने भएपछि बार्सिलोनाले उनका पोस्टरहरू धमाधम हटाउन थालेको छ।मेसीसँग अन्तिम समयमा सम्झौता हुन नसकेपछि बार्सिलोनाबाट मेसी पिएसजीसँग सम्झौता गर्ने अन्तिम तयारीमा छन्।पछिल्लो २१ वर्षदेखि बार्सिलोनामा रहेका मेसीले ७७८ खेलमा रेकर्डेड ६७२ गोल गरेका छन्। जसमा १२० गोल च्याम्पियन्स लिगमा गर्दा ४७४ गोल लालिगामा सम्भव बनाएका छन्।

उनी लालिगाका सर्वाधिक गोलकर्तासमेत हुन्। मेसीले युरोपकै प्रतिष्ठित गोल्डेन सु अवार्डका टप स्कोरर (६ पटक) जित्न सफल भए। उनले बार्सिलोनाबाट सबैखाले उपाधि जिते। युरोपकै प्रतिष्ठित च्याम्पियन्स लिग ४ पटक जित्दा लालिगा १० पटक जिते त्यस्तै कोपा डेल रे ७ पटक जित्दा युइएफए सुपरकप ३ पटक तथा क्लब विश्वकप ३ पटक जिते।

व्यक्तिगत रुपमा उनले सबैखाले उपलब्धि हात पारेका छन्। ६ पटक प्रतिष्ठित बालोन डिओर अवार्डसमेत जितेका छन्। लालिगामा सर्वाधिक धेरै ३८३ खेल जिते भने। लिगमा सर्वाधिक ३५ ह्याट्रिक सम्भव बनाए। उनले समग्रमा ३५ ट्रफी जित्दा बार्सिलोनाको अलटाइम सर्वाधिक ६७२ गोल गरे।त्यस्तै उनले एकै सिजनमा लालिगामा सर्वाधिक ५० गोल गर्ने कीर्तिमानसमेत बनाए। साथै एकै क्यालेन्डर इयरमा ९१ गोलको कीर्तिमानसमेत बनाएका छन्।