वीरागंज | पर्सा प्रहरीले खसी भनी बाख्राको मासु विक्री वितरण गर्ने एक जनालाई पक्राउ गरेको छ।आज बेल्का ४ बजे पर्सा जिल्ला वीरगञ्ज म.न.पा.वडा नं.१३ मुर्ली बस्ने अब्दुल अन्सारीले सञ्चालन गरेको मासु पसलमा काम गर्ने सोही ठाउँका २८ वर्षीय रोज अन्सारीले खसीको मासु हो भनी बाख्राको मासु विक्री गरिरहेको बेला पक्राउ परेका हुन ।

सुचनाको आधारमा प्रहरी कार्यालय श्रीपुरबाट खटेको टोलीले उक्त पसलको तलासी लिँदा बाख्राको मासुमा खसीको अण्डकोष सिलाई बेचिरहेको फेला परेको थियो।

रोज अंसारीलाई सो मासुसहित नियन्त्रणमा लिई कालोबजारी सम्बन्धी कसूरमा अनुसन्धान अगाडि बढाइएको तथा उक्त पसल सञ्चालक अब्दुल अन्सारीको खोजतलास भइरहेको प्रवक्ता प्रहरी नायब उपरीक्षक ओमप्रकाश खनालले बताउनुभयो ।