भारत | भारतकै चर्चित रियालिटी शो ‘बिग बोस’ को नयाँ संस्करण शुरु हुने क्रममा रहेको छ । अब प्रदर्शन हुन लागेको ‘बिग बोस’ को नयाँ सिजनमा होस्ट परिवर्तन हुने भएको छ ।

हालसम्म शोको होस्ट अभिनेता सलमान खानले गर्दै आइरहेका थिए । अब यस शोमा होस्टको रुपमा निर्देशक करण जोहर आउने भएका छन् । अब प्रदर्शनमा आउने बिगबोसको सिजनमा करण देखिनेछन् ।

शोमा सलमान आउट र करण इन हुने भएपछि दर्शकहरु उत्साहित भएका छन् । भारतिय मिडियाका अनुसार यस शो अगष्ट ८ बाट बुट नामक एपमा प्रदर्शन हुने बताइएको छ ।