बिरगंज।नायिका प्रियंका कार्कीले अबको केही हप्ताभित्रै आफ्नो पहिलो सन्तान जन्माउने छिन् । सन्तानको आगमनपश्चात् आफ्नो जीवन सदाका लागि परिवर्तन हुने उनी बताउँछिन् ।प्रियंकाले आफ्नो इन्स्टाग्राम अकाउन्टमा सो कुरा बताउँदै आफू जीवनको अर्को सुन्दर चरणका लागि तयारसमेत भएको बताएकी छिन् ।श्रीमान् आयुष्मान देशराज श्रेष्ठ जोशीसँगको तस्बिर पोस्ट गर्दै उनले श्रीमानको साथमा सबैकुरा सुन्दर हुने पनि बताएकी छिन् ।
यसका साथै आयुष्मानले पनि आफू र प्रियंकाको तस्बिर पोस्ट गर्दै आफू पनि यसका लागि तयार भएको बताएका छन् ।उनले लेखेका छन्, ‘म त्यो परिवर्तित जीवनका लागि तयार छु जसबारे तिमी बारम्बार कचकच गरिरहन्छौ ।’आयुष्मानले आफ्नो कुरालाई कचकच भनेपछि प्रियंकाले उक्त पोस्टमा कमेन्ट गरेकी छिन् । उनले लेखेकी छिन्, ‘आची ! पिटाई खान नपुगेको ।’
आयुष्मानको यो पोस्टमा प्रियंकाको कमेन्टमा १५७ जनाले लाइक गरेका छन् ।यस्तै यो पोस्टमा आयुष्मानकी आमा रबिना देशराज श्रेष्ठले पनि कमेन्ट गर्दै लेखेकी छिन्, ‘मेरा बाबाहरुलाई युगौं युग र त्यसपछिसम्म माया नै माया ।’यस्तै, यसमा आयुष्मानका भाइ आशिरमान देशराज श्रेष्ठ जोशीले पनि यो फाटोलाई चाँडोभन्दा चाँडो फ्रेममा राख्नुपर्ने माग गरेका छन् ।पछिल्लो समय प्रियंकाले बेबी बम्पसहितको फोटो सामाजिक सञ्जालमा पोष्ट गरेसँगै उनी बारम्बार चर्चामा आइरहेकी छिन् ।
