वीरगन्ज । नेपाल दूरसञ्चार प्राधिकरणले नेपालमा फाइभजी परीक्षण गर्न कार्यविधि तयार गरेको छ । प्राधिकरणको बोर्ड बैठकले नेपाल टेलिकम मार्फत हुने फाइबजी परीक्षणको लागि सबै प्रक्रिया र कागजपत्रबारे कार्यविधि तयार गरेको हो ।

प्राधिकरणका निर्देशक अम्बर स्थापितले फाइभ जी सञ्चालनका लागि नियमनकारीलाई बुझाउनुपर्ने मापदण्डसहितको निर्णय बोर्ड बैठकले गरेको जानकारी दिए । यो निर्णयसँगै नेपाल टेलिकमलाई पाचौँ पुस्ताको प्रविधि भित्र्याउने र सञ्चालन गर्न बाटो खुलेको छ ।

प्राधिकरणले तयार पारेको उक्त ‘फाइभजी सञ्चालनको लागि कार्यविधि’ले परीक्षणको लागि निवेदन गर्नुपर्ने विषय, नेटवर्क निर्माण, परीक्षण अवधि, सेवा शुल्क र फ्रिक्वेन्सी दस्तुर, उपकरणको व्यवस्थापन तथा विवरणलगायतको प्रक्रिया तोकेको छ ।

जसमा फाइभजी परिक्षण गर्दा ग्रामीण र सहरी दुवै क्षेत्रलाई समेट्नुपर्ने प्राधिकरणका निर्देशक स्थापितको भनाइ छ । उनका अनुसार परीक्षण अवधि, निःशुल्क परीक्षण हुनेसमेत निर्णय भएको छ ।

कार्यविधिमा उल्लेख भएका सबै प्रक्रिया पूरा भएलगत्तै टेलिकमले फाइभजी परीक्षणको लागी अनुमति पाउनेछ ।

टेलिकमले यसअघि नै फाइभजी परीक्षणको लागि अनुमति मागिसकेको र ७०० वा ८०० मेगाहर्ज ब्यान्ड तथा २६०० मेगाहर्ज ब्यान्डमा फाइभजी परीक्षण गर्न खोजेको छ । कार्यविधिअनुसार सन् २०२२ भित्रै नेपालमा फाइभजी परीक्षण हुनेछ । साथै, सन् २०२५सम्म देशभर फाइभजी सेवा जनतालाई उपलब्ध गराइसक्ने निर्देशक स्थापितको भनाइ छ ।

फाइभजीलगायत नयाँ प्रविधि परीक्षणसम्बन्धी कार्यविधि यस्तो छ