बारा ।बारामा सर्पको टोकाइ र ट्रकको ठक्करबाट दुई युवकको मृत्यु भएको छ। सर्पको टोकाइबाट बाराको निजगढ नगरपालिका वडा नम्बर १३ डम्बरपुरमा एक युवकको मृत्यु भएको हो। बुधबार बिहान मकवानपुरको हेटौंडा उपमहनगरपालिका–१५ भोर्ले बस्ने २० वर्षीय सरोज बम्जनको सर्पले टोक्दा मृत्यु भएको बाराका प्रहरी प्रवक्ता गौतम मिश्रले जानकारी दिए।

उनलाई प्राथमिक स्वास्थ्य केन्द्र निजगढमा लैजाँदै गर्दा बाटोमा मृत्यु मिश्रले बताए। बम्जन डम्बरपुरमा आफ्नो मामाघरमा बस्दै आएका थिए।यसैगरि जितपुर सिमरा उपमहानगरपालिका–७ मा बा ०३ ००१ ख ११२७ नम्बरको ट्रकले ठक्कर दिँदा एक जनाको मृत्यु भएको छ। ट्रकको ठक्करबाट जितपुर सिमरा उपमहानगरपालिका–७ निवासी २२ वर्षीय राजन श्रेष्ठको मृत्यु भएको प्रहरीले जनाएको छ।

ठक्करबाट घाइते भएका श्रेष्ठको उपचारको लागि अस्पताल लैजाँदै गर्दा मृत्यु भएको बाटोमै मृत्यु भएको प्रहरी नायब उपरीक्षक मिश्रले जानकारी दिए।