वीरगन्ज ।तिनिधि सभा विघटनविरुद्धको मुद्दामा सर्वोच्चको संवैधानिक इजलासमा आजको बहस शुरु भएको छ ।आज नायब महान्यायाधीवक्ता पदम प्रसाद पाण्डेले बहस शुरु गरेका छन् । पाण्डेलाई बहसका लागि २ घण्टाको समय छुट्ट्याइएको छ ।
आजको बहसको क्रममा प्रधानन्यायाधीश चोलेन्द्र शमशेर राणाले संसदलाई छलेर विश्वासको मत प्राप्त गर्न राष्ट्रपति कहाँ जाने हो भन्दै प्रश्न गरेका छन् ।
प्रधानमन्त्री केपी शर्मा ओली आफूले विश्वासको मत पाउँदिन, धारा ७६(३) बमोजिम नबस्नका लागि राष्ट्रपतिकोमा गएको भन्ने पाण्डेको भनाइपछि “विश्वासको मत प्राप्त गर्न र नगर्न संसद जानुपर्ने होइन् ? तर त्यसलाई छलेर जान मिल्छ र ?” प्रधानन्यायाधीश राणाको प्रश्न थियो ।
त्यसलगत्तै नायव महान्यायाधिवक्ता पाण्डेले मत पाउँदिन भनेर सरेन्डर गरेर राष्ट्रपतिकोमा गएको जिकिर गरेका थिए ।
“मत पाउँदिन भनेर सरेन्डर गरेपछि फेरि संसदमा जानुपर्दैन, मेरो तर्क यसमा यहि हो । ” उनले भने( “विश्वासको मत प्राप्त नगर्ने कन्र्फम थियो । र विश्वासको मत लिन्न भन्ने प्रस्ताव संसदमा पेश गर्नुपर्छ भन्ने व्यवस्था छैन । यो भएको भए पाउन र नपाउन पनि संसदमा जानुपथ्र्यो । त्यसकारण विश्वसाको मत नपाउन संसदमा गैरहन पर्दैन ।”गत बुधवारबाट प्रतिनिधि सभा विघटनसम्बन्धी मुद्दामा निरन्तर सुनुवाइ भइरहेको छ । आइतवारबाट रिट निवेदककर्ताको बहस सकिएसँगै सोमवारबाट सरकारी पक्षको बहस शुरु भएको छ । सोमवार सरकारका कानुनी सल्लाहकार एवम् महान्यायाधिवक्ता रमेश बडालले ३ घण्टा ६ मिनेट बहस गरेका थिए ।
