वीरगन्ज । निषेधाज्ञा अवधिमा २०३ वटा व्यापारिक फर्मको बजार अनुगमन गर्दा ९७ व्यापारिक फर्म कारवाहीमा परेका छन् । वाणिज्य आपूर्ति तथा उपभोक्ता संरक्षण विभागले उक्त व्यापारिक फर्महरुको अनुगमन गरेको होे ।

उक्त फर्मलाई १४ लाख रुपैयाँ जरिवाना गरिएको विभागले जनाएको छ साथै ३० हजार मूल्य बराबरको खाद्यान्न नष्ट गरिएको छ बताइएको छ । विभागले वैशाख १६ गतेदेखि जेठ ३१ गतेसम्मको समयमा २०३ वटा व्यापारिक फर्मलाई अनुगमन गरी ९७ वटा फर्मलाई जरिवाना गरेको छ ।

९७ फर्मलाई विभागले १३ लाख ९६ हजार रुपैयाँ जरिवाना गरेको छ । विभागका अनुसार एक फर्मको भने कारोबार रोक्का गरेको भएको छ । निषेधाज्ञाको अवधिमा विभागले विशेषगरी खाद्यान्न र स्वास्थलाई प्राथकितामा राखेर अनुगमन गरेको जनाएको छ ।

उक्त अवधिमा विभागले ३० हजार १५० मूल्य बराबरको म्याद समाप्त भएका खाद्यान्न तथा वस्तु नष्ट गरेको छ ।