बिरगंज । मानव सेवा आश्रम बिरगंजद्वारा आज एक जनाको उद्दार गरेको छ । बारा जिल्लाको कलैया उपमहानगरपालिका वार्ड नम्बर १८ मोतिसरमा रहेको एक जनाको ४ बर्ष देखि साङ्लोले बाधेर राखेको अवस्थामा रहेकाको उद्धार गरेको थियो । मानसिक सन्तुलन गुमाएका उनलाई आफ्नै परिवारजनले साङ्लोले बाधेर राखेका हुन् । उनको नाम जागेश्वर ठाकुर रहेको छ ।

१२ वर्षअघि ठाकुर एक धेरै नाम चलेका मिस्त्री थिए । उनले गरेको काठको काममा उनको सितको चर्चा सम्पूर्ण गाउँमा हुने गर्दथ्यो । तर १२ वर्षदेखि उनको मानशिक सन्तुलन बिग्रिएको हुनाले उनी मानिसलाई देख्दा गाली गर्ने मात्रै होइन एक्लै पनि कराई रहन्छन् । परिवारका सदस्यले लगेर उनलाई दिएको खाना कहिले खान्छन् त कहिले रिसाएर फली दिन्छन् ।

मानव सेवा आश्रम वीरगञ्ज पर्साको टिम सामाजिक अभियान्ता प्रकाश थारु र पत्रकार सुरेश बिडारी सहितको टोली त्यहाँ पुगेर उनको उनको फलामको सिकड़ीलाइ हथौडाले काटेर उनलाई बाहिर निकालेर नुहाई धुआइ गराएर, नया कपड लगाइदिएर उद्धार गरेर अब उप्रान्त उनलाई आश्रममा राखेर उनको उपचार गर्ने मानवसेवा आश्रम प्रदेश नम्बर २ का संयोजक देवेश गुप्ताले जानकारी दिनु भएको हो ।