वीरगन्ज । शुक्रवार लगातार १४औं दिन आठ हजार ६६३ जना कोरोना सङ्क्रमण मुक्त भएका छन् भने नयाँ थपिएका सङ्क्रमितको सङ्ख्या चार हजार ६२४ रहेको छ ।हालसम्म पाँच लाख ८१ हजार ५६० जनामा कोरोना सङ्क्रमण पुष्टि भएकोमा चार लाख ७६ हजार १३० जना निको भइसकेका छन् ।
३१ लाख २१ हजार १२० जनाको पीसीआर परीक्षण गरिएको छ ।नेपालमा अहिले निको हुने दर ८१.९ प्रतिशत छ ।यो दर अफगानिस्तान, भुटान, माल्दिभ्स र श्रीलङ्काभन्दा बढी हो भने बङ्गलादेश, भारत र पाकिस्तानभन्दा कम हो ।बङ्गलादेश र भारतको निको हुने दर ९२।५ र पाकिस्तानको ९१।८ प्रतिशत छ ।
स्वास्थ्य तथा जनसङ्ख्या मन्त्रालयका अनुसार काठमाडौं उपत्यकाका तीन जिल्लामध्ये शुक्रवपार काठमाडौंमा ८९७, भक्तपुरमा १८८ र ललितपुरमा २९९ जना गरी एक हजार ३८४ जना सङ्क्रमित थपिएका छन् ।शुक्रबार १०१ जना सङ्क्रमितको मृत्यु भएको छ । योसहित नेपालमा कोरोना सङ्क्रमणबाट मृत्यु हुनेको सङ्ख्या सात हजार ७३१ पुगेको छ ।