वीरगन्ज । नयाँ मन्त्रीको स्वागतका लागि सिंहदरबारमा कर्मचारीहरु फूलमाला लिएर बसेका छन् । प्रधानमन्त्री केपी शर्मा ओलीले जसपाका ८ सहित नेकपा एमालेका दुइ जनालाई मन्त्री बनाएपछि शुक्रवार राति सिंहदरबारमा चहलपहल देखिएको हो ।राष्ट्रपति कार्यालय शीतल निवासमा शपथ लिएलगत्तै मन्त्रीहरु सिंहदरबार पुगेर कार्यभार सम्हाल्दै छन् ।
शहरी विकास मन्त्रालयमा उपप्रधानमन्त्री राजेन्द्र महतोको नेमप्लेट राखिएको छ । महतो जसपाको तर्फबाट उपप्रधानमन्त्री सहित सरकारमा सहभागि हुँदैछन् । महतोको स्वागतका लागि कर्मचारीहरु फूलमाला लिएर बसेका छन् ।उता परराष्ट्र मन्त्रालयमा मन्त्रीको स्वागतका लागि गेटमा पानीको घडा राखिएको छ । रघुवीर महासेठ उपप्रधानसहित परराष्ट्र मन्त्री बन्दैछन् ।
उर्जा तथा जलस्रोत, वन तथा वातावरण मन्त्रालय, युवा तथा खेलकुद मन्त्रालयमा चहलपहल छ । स्वास्थ्य मन्त्रालयमा शेरबहादुर तामाङ मन्त्री भएर जाँदैछन् ।