उनले नागरिकता अध्यादेश आउँदैमा नेपाल फिजीकरण हुने भनेर गरिएको प्रचारमा टिप्पणी गर्दै भने-“फिजी कहाँ बनिरहेको छ ? पहाडमा बनिरहेको छ कि मधेशमा ? कि फिजीकरण कसले गरिरहेको छ ? हुन त डेमोक्रेसी छ, बोल्ने सबैलाई अधिकार छ । बोल्ने मानिसहरु बोलिरहनुभएको छ, आफ्नो आफ्नो दृष्टिकोण राखिरहनुभएको छ । यो अध्यादेशले त समस्याको समाधान भएको छ ।”
अध्यक्ष ठाकुरले प्रधानमन्त्री केपी शर्मा ओलीले चुनावको घोषणा गर्नु प्रतिगमन नभएको पनि जिकिर गरेका छन् । उनले भने-“के चुनावको घोषणा गर्नु प्रतिगमन हो त ? जनतामा जाने प्रतिगमन हो त ? जनता सार्वभौम छन् । हेर्नुहोस, संसद् राम्रोसँग चल्न दिईएन । यस्तो अवस्थामा नयाँ जनमतको लागि चुनाव घोषणा गरिएको छ । यसलाई पनि प्रतिगमन भन्ने त ? संसद् विघटन गर्नुलाई हामीले स्वागत गरिसकेका छौं ।”