वीरगन्ज । प्रमुख प्रतिपक्षी दल नेपाली कांग्रेसले सरकार कोभिड–१९ संक्रमण रोक्नेभन्दा त्रास फैलाएर आफू सुरक्षित हुन खोजीरहेको जनाएको छ । नेपाली कांग्रेसको पदाधिकारी र पूर्वपदाधिकारीको बैठकबाट कांग्रेसले यस्तो धारणा सार्वजनिक गरेको हो ।
“हामीले १५ बुँदे ध्यानाकर्षणमार्फत सरकारलाई जिम्मेवार बनाउने प्रयत्न गर्यौँ । तर, सरकार कोरोना संक्रमण नियन्त्रण गर्नेभन्दा कोभिडको त्रास फैलाएर आफ्ना अवैधानिक हर्कतको ढाकछोप गरी सुरक्षित हुने प्रयास गरिरहेको छ,” कांग्रेस सहमहामन्त्री डा. प्रकाशशरण महतले बैठकपछि भने, “अक्सिजन र भेन्टिलेटरको व्यवस्था गर्ने, पीसीआर परीक्षणको दायरा विस्तारित गर्ने र गाउँगाउँका नागरिकलाई पनि उपचारको दायरामा पुर्याउने सार्थक प्रयास गरिरहेको छैन ।”
उनले सरकारले दुई दिनभित्र खाद्यान्न किनिसक्नू भनेर जनतामा त्रास फैलाउने काम गरिरहेको बताए ।आज सभापति शेरबहादुर देउवाको निवास बूढानीलकण्ठमा कांग्रेस पदाधिकारी र पूर्वपदाधिकारीको बैठक बसेको हो ।
