वीरगन्ज । कोभिड नियन्त्रणको लागि देशभर निजी र सरकारी गरी १५७ अस्पताल सञ्चालनमा ल्याइएको छ । निजी क्षत्रका ४५ अस्पतालसँग सम्झौता गरिएकोले वैशाख महिनामा मात्र ति अस्पताललाई ४५ करोड रुपैयाँ शोधभर्ना दिइएको छ । भेन्टिलेटरको संख्या वैशाखसम्म ३२७ रहेकोमा हाल सो संख्यामा वृद्धि गरी ९०४ पु-याइएको छ । यसैगरी साविक संख्यामा रहेको २ हजार ६ सय आईसीयू बेड रहेकोमा ४ सय थप गरिएकोमा अब केही समयभित्र ६३० थप गर्ने योजना रहेको छ । यसैगरी २ हजार ७५ मा ७८७ थप गरी २ हजार ८६२ पु-याइएकोमा यसमा पुनः १ हजार ४०० थप गर्ने योजना रहेको छ ।
३२ वटा अक्सिजन प्लान्ट सञ्चालनमा रहेकोमा १९ वटा थप गर्ने योजना रहेको छ । यसैगरी लिक्युड अक्सिजन ट्रयाक ३ वटा रहेकोमा थप २७ पु-याउने लक्ष्य रहेको छ । यस अवधिका ९०० वटा अक्सिजन कन्सन्ट्रेटर थप गरिएको छ । यसैगरी यो अवधिमा अक्सिजन सिलिन्डर ५ हजार थप गरिएको छ । उपचारमा देशभर ५५ सरकारी प्रयोगशालाबाट कोभिड–१९ को निःशुल्क परीक्षण गरिँदै आएको छ । यसका साथ २६ निजी प्रयोगशालाबाट परिक्षण हँुदै आएको छ । पछिल्लो केही समययता दैनिक २० हजार परीक्षण हुदै आएको छ । संक्रमणको बढदो दरलाई नियन्त्रण गर्न स्थाानिय तहको समन्वयमा समुदायमा आधारित एन्टिजेन्ट विधिद्वारा परीक्षण गरिँदै आएको छ । यसका लागि प्रदेश १ मा १ लाख ७५ हजार, प्रदेश २ मा २ लाख, बागमती प्रदेशमा ३ लाख, गण्डकी प्रदेशमा १ लाख ५० हजार, लुम्बिनी प्रेशमा २ लाख, कणाली प्रदेशमा १ लाख ५० हजार, सूदुरपश्चिम प्रदेशमा १ लाख ७५ हजार एन्टिजेन्ट किट थप पठाइएको छ ।
कोभिड–१९ का भेरियेन्ट अनुगमन गर्नका लागि नियमित रूपमा जिन सिकुऐन्स भइरहेको छ । यसको प्रमाणिकरणका लागि विदेशस्थित परिक्षण ल्याबसँग सहकार्य गरिएको छ ।

चार साताभित्र संक्रमण घट्ने अनुमान
सरकारले व्यक्तिको आवतजावतमा प्रभावकारी नियन्त्रण नभएको र केही सेवा तथा कार्य सुचारु भएका कारण संक्रमण तत्काल नियन्त्रणमा नआएको देखिए पनि आगामी ४ सातामा संक्रमण घटने अनुमान गरेको छ ।