वीरगञ्ज । इटालीको उत्तरी क्षेत्र स्थित माजोरे ताल नजिकैको पहाडमा केवल कार दुर्घटना हुँदा कम्तीमा एक बच्चासहित १४ जनाको ज्यान गएको छ ।अर्का एक बच्चा गम्भीर घाइते भएको स्थानीय अधिकारीलाई उद्धृत गर्दै अन्तर्राष्ट्रिय सञ्चारमाध्यमले जनाएका छन् ।

स्ट्रेसा बजारबाट यात्रुलाई आइतबार पिड्मोन्ट क्षेत्रको मोतारोनी माउन्टेन लैजाने क्रममा केवलकार दुर्घटना भएको हो । केवलकार वन क्षेत्रमा काटिएका रुखमाथि खसेको हो ।ज्यान गुमाउनेमा पाँचजना इजारायली रहेका छन् ।

पाँच र ९ वर्षका दुई बच्चालाई विमानबाट उद्धार गरि तुरिन स्थित अस्पताल लगिए पनि ९ वर्षको बच्चाको च्यान गएको हो । पाँच वर्षको बच्चाको शल्यक्रिया भएको र उसको अवस्था गम्भीर रहेको जनाइएको छ । उनी इजरायली हुन् ।

दुर्घटनाको कारण खुलेको छैन । केवलकार झण्डै २० मिटर तल जमिनमा खसेर आरालोमा गुड्किएको हो । रुखमा अड्किएपछि मात्रै केवलकार रोकिएको थियो ।