पोखरीया । दुई दिनको झरीले पर्साको छिपहरमाई गाउँपालिकाको सडक हिलाम्य बनाउँदा सर्वसाधारणलाई हिँड्डुल गर्न समस्या भएको छ । बुधबार र बिहीबारको लगातारको झरीले छिपहरमाई वडा नं ५ स्थित भिस्वादेखि बीरगन्ज जोड्ने कच्ची बाटो हिलाम्य बनाएको हो ।

बाटो हिलाम्य हुँदा विभिन्न प्रयोजनका लागि हिँडेको सर्वसाधारणहरु सास्ती भोग्न बाध्य छन् । आकस्मिक सेवाका लागि गुडेका सवारीहरुलाई पनि उक्त सडकमा गुड्न समस्या भएको छ ।वडा र गाउँपालिकालाई सडकको मर्मतसम्भार गर्न पटकपटक आग्रह गरेपनि केही सुनुवाई नभएको स्थानिय मनोज गुप्ताले बताएका छन् ।

उनका अनुसार गाउँपालिकाको उदासिनताका कारण सडकको मर्मतसम्भार समयमा हुन सकेको छैन ।यता, सडक निर्माणको ठेक्का पाएको रन्जन निर्माण सेवाले समयमा काम सम्पन्न नगर्दा वर्षायाममा समस्या हुने गरेको छ ।