बीरगन्ज |  बीरगन्ज महानगरपालिकाकी ९१ वर्षीय उप-मेयर शान्ति कार्कीले कोरोनालाई पराजित गरेकी छन् । केही दिन अघि उनमा कोरोनाको संक्रमण पुष्टि भएको थियो ।केही दिन होम आइसोलेसनमा रहे पनि पछिल्लो पटक महानगरले सन्चालन गरेकोमा कोभिड अस्पतालमा उपचाररत रहेकी उपमेयर कार्की हाल कोरोनामुक्त भएकी छन् ।

महानगरले सन्चालन गरेको कोभिड अस्पताल उद्घाटनको दिन पहिलो बिरामीको रुपमा मेयर विजय कुमार सरावगीले उपमेयर कार्कीलाई सो अस्पतालमा स्वागत गरेका थिए । अस्पतालबाट ९१ वर्षीय वृद्धा उप-मेयर कार्कीलाई सकुशल बिदाई गर्न पाउँदा आफु निकै हर्षित रहेको मेयर विजय कुमार सरावगीले बताए ।

उनले भने, “कोरोनाबाट डरेर हैन, डटेर प्रास्त गर्न सकिन्छ किनभने यसको जिवन्त उदाहरण बीरगन्ज महानगरको उप-प्रमुख शान्ति दिदी बन्नु भएको छ ।”दृढ इच्छाशक्ति,उच्च मनोबल र अस्पतालका चिकित्सकहरुको मिहनेतको कारणले उहाँले कोरोनालाई परास्त गर्नु भएकोले कोरोनालाई पराजित गर्न सबै संक्रमितहरुले उहाँको जस्तै दृढ इच्छाशक्ति र उच्च मनोबल राख्नुपर्ने सुझाव दिए ।