बारा।बारामा ३० केजी गाँजा बरामद भएको छ । पचरौता नगरपालिका वडा नंम्बर १ मुसर बस्तीमा मंगलबार बिहानको समयमा गाँजा बरामद गरिएको हो ।सशस्त्र प्रहरी बल नेपाल बि.ओ.पि. पिपरपातीबाट सशस्त्र प्रहरी निरीक्षक कमल पन्थीको कमाण्डमा खटिएको प्रहरी टोलीले सो परिमाणको गाँजा बरामद गरेको हो ।

गस्ती टोलीलाई देख्ना साथ नेपालबाट भारततर्फ लैजादै गरेको ३० केजीको ३ पोका अवैध गाँजा तस्करहरु सोही स्थानमा गाँजा छाडी फरार भएको सशस्त्र प्रहरी उपरीक्षक रविनराज कर्णजीतले बताए ।तयारी गाँजाको पोका बनाई बिहानको समयमा तस्करहरुले गाँजा नेपालबाट भारततर्फ टाउकोमा बोकी लैजादैं गरेको अवस्थामा सो गाँजा बरामद गरिएको उनले बताए ।

खेतको बाटोबाट तस्करी भईरहेको सुचना प्राप्त भए पश्चात बि.ओ.पि.हरुमा पैदल गस्ती, साईकल तथा मोटर साईकलमा सिमा नाकाहरुमा निगरानी गर्न निर्देशन दिएको सशस्त्र प्रहरी उपरीक्षक कर्णजीतले जानकारी गराएका छन् ।