बीरगंज।मुकेश खेतान ।ग्रीन सिटी र रुंगटा वेलफेयर सोसाइटीको संयुक्त सह कार्यमा दोश्रो चरणको १५० थान निशुल्क ऑक्सीमीटर र डिजिटल थर्मामीटर वितरण अभियान शुरु भएको छ ।दोस्रो चरणको कोभिड संक्रमण बढ्न थालिएपछि वीरगन्ज बासीहरु भयभित हुनथालेका छन् र जनजीवन ठप्प भएको देखिन्छ। विभिन्न संघ संस्था हरुले जनता र विरामी हरुलाई राहत दिन्का लागि अनेको प्रकारले सहयोग गरी रहनु भएका छन्।
यसै बीच ग्रीन सिटीले अलग प्रकारको सहयोग कार्य थाल्नु भएको छ।ग्रीन सिटीले पहिलो चरण अंतर्गत ८० वटा निशुल्क ऑक्सीमीटर वितरण गरी सके पछि दोश्रो चरण अन्तर्गत रुंगटा वेलफेयर सोसाइटीका अध्यक्ष श्री मुरलीधररुंगटाको सौजन्यले १५० थान ऑक्सीमीटर र १५० थान डिजिटल थर्मामीटर वितरणको अभियान शुरू गर्नु भएको छ।
स्मरण रहोस् कि विरामीको घर दैलो सम्म अस्पताल र चिकित्सक पुर्याउने अभियानमा पनि *रुंगटा वेलफेयर सोसाइटी र मारवाडी सेवा ट्रष्टको* महत्वपूर्ण योगदान रहेको छ। ग्रीन सिटीको शुरुवात देखि रुंगटा वेलफेयर सोसाइटीले ग्रीन सिटी संग सह कार्य गरेर समाजिक कार्य हरु गर्दै आउनु भएको छ।
रुंगटा वेलफेयर सोसाइटीका अध्यक्ष श्री मुरली धर को छोरा श्री सुरेश रुंगटा ग्रीन सिटीका वरिष्ठ र संस्थापक सदस्य समेत रहनु भएको छ। दोस्रो लहरको कोरोना भाइरस संक्रमणमा स्वास्थ्य परीक्षणका लागि महत्वपूण मानिएको अक्सिमिटर र ज्वरो मापनका लागि डिजिटल थर्मामीटर रुंगटाले सहयोग गरेका हुन् ।
शरिरमा अक्सिजनको मात्रा मापन गर्न अक्सिमिटर उपयोगी यन्त्र हो । जसको सहायताले घरमै चिकित्सक तथा स्वास्थ्यकर्मीको सहयोगबिना आफै अक्सिजन मापन गर्न सकिन्छ । गम्भीर प्रकृतिका बिरामीहरुलाई सोधपुछ गरेर प्राथमिकताको आधारमा यो निशुल्क उपलब्ध गराउने छन्।
