बीरगंज,जेठ ३
जिल्ला प्रशासन कार्यालय पर्साले लगाएको निषेधाज्ञाको खिल्ली उडाउँदै साथै जनताको स्वास्थ्य संग खेलवाड गर्दै पकहामैनपुर गाउँपालिकाले छैठो गाउँसभा सम्पन गरेको छ।कोरोना भाईरस संक्रमणको इपीसेण्टर पर्सामा कोरोना संक्रमण फैलिन नदिन स्थानीय प्रशासनले निषेधाज्ञा लगाएको छ । सरकारले लगाएको निषेधको अवज्ञा गर्दै पर्साको एक स्थानीय तह पकाहामैनपुर गाउँपालिकाले गाउँसभा नै सम्पन्न गरेको छ । सरकारले जारी गरेको निषेधज्ञा लगाएको समयमा भेला, सभा, सम्मेलन गर्न कानूनको विपरीत रहेको छ ।जिल्ला कोभिड संकट व्यावस्थापन केन्द्रले निषेधाज्ञा लगाउनु भन्दा अघि नै स्थानीय तहहरुलाई आईशोलेसन र क्वारिन्टिनको व्यावस्थापन गर्न जिल्ला प्रशासन कार्यालयमा नै बोलाएको थियो । तर, अधिकांश स्थानीय तहका प्रमुखहरु अनुस्थित रहेको थियो । कोरोना भाइरस सङ्क्रमण ग्रामीणक्षेत्रमा पनि तीब्र गतिमा फैलिन थालेपछि स्थानीय तहहहरु व्यावस्थापनमा लागेका छन् । भने यो अवस्थामा पनि पकहामैनपुर गाउँपालिकाले भने गाउँसभा गरेर कानूनलाई नै चुनौती दिएको छ । संक्रमण फैलिने जोखिम भएको समय र निषेधाज्ञामा नै गाउँसभा गरेको भन्दै आलोचना भएको छ । तर, पकाहामैनपुर गाउँपालिकाका अध्यक्ष विजय चौरसियाको भने कोरोना संक्रमण रोकथामका लागि गर्नुपर्ने व्यावस्थापनमा बजेट खर्च गर्ने निर्णय गर्न गाउँसभा गरिएको हो । गाउँपालिकाका जनताको जीवन रक्षाका लागि नै गाउँसभा गरेको बताए ।निषेधाज्ञाको अवधिभर कसैलाई पनि सभा, सम्मेलन र भेला गर्ने छुट नरहेको जिल्ला प्रशासन कार्यालय पर्साले जनाएको छ।