पर्सा | पर्साको पकहामैनपुर गाउँपालिका वडा नम्बर २ को टोल मधुबनी,सुर्जाहा, मानीपुरमा नेकपा एमालेका युवा नेता अकलेश साहको सक्रियतामा निशुल्क माक्स वितरण तथा जनचेतनामूलक कार्यक्रम सम्पन्न भएको छ ।

गाँउपालिकाको सहयोग तथा समाज परीवर्तन नेपाल मुर्ली कल्ब र वीरगंज केयर क्लबको सँयुक्त आयोजनामा वडा नं २ को टोलमा २ हजार माक्स बितरण एवं कोरोना बारे जनचेतना कार्यक्रम गरिएको नेता साहले बताए ।

नयाँ भेरियन्ट सहितको कोभिड(१९ कोरोना भाइरस महामारीको दोस्रो लहर तिब्र रुपमा बढीरहेको बेला कोरोना भाइरसको प्रभावलाई रोकथाम गर्ने प्रयास स्वरुप कार्यक्रम गरिएको नेता साहले बताए ।साहले अत्यावश्यक काम बाहेक बाहिर हिडडुल नगर्न र बाहिर जानै परे स्वास्थ्य मापदण्ड अपनाएर जान अनुरोध गर्नुभयो ।

कार्यक्रममा वीरगंज केयर क्लबको अध्यक्ष भगवान लाल पटेल, समाज परीवर्तन नेपाल सदस्य आकाश गुप्ता ,सदस्य सुमित पटेल, स्थानिय युवा विजय राउत, राजेश कुशवाहा, शशीभूषण कुशवाहा, पकहा मैनपुर बीओपीका श्याम प्रसाद लिगल , लक्षमण खड्का, हेमचन्द्र यादव लगायत उपस्थिती रहेको थियो ।