बीरगंज।पर्सा प्रहरीले निषेधाज्ञाको बेला नियन्त्रणमा लिएको सवारी साधनलाई रातीको समयमा प्रहरीकै मिलोमतोमा छाडने गरेको समाचार बाहिरिएको छ ।
जिल्ला संकट व्यवस्थापन केन्द्र (डिसिसिएमसी) पर्साले बैशाख १६ गते देखि निषेधाज्ञा जारी राखेको छ । कोरोना भाइरसको संक्रमण नियन्त्रण तथा रोकथामका लागि जिल्ला प्रशासन कार्यलयले निषेधाज्ञा पालना गराउन प्रहरी परिचालन गरिएको छ । निषेधाज्ञाको बेलामा प्रहरी नायब उपरिक्षक ओमप्रकाश खनालको टोलीले सवारी साधन नियन्त्रणमा लिने गरेको छ ।
नियन्त्रणमा लिएको सवारी साधनलाइ बेलुका कसैलाई एक हजारको जारिवाना गरि सवारी छाड्ने गरिएको छ भने कसैलाई डिएसपीको इसारमा छाड्ने गरिएको समाचार छ । स्रोत अनुसार हिजो बिहिवार बेलुका ७ बजे नियन्त्रणमा लिएको मोटरसाइकल धनीसंग जरिवाना बापत एक हजारको जरिवाना काटिएको छ भने कसैले त्यहि रहेका प्रहरीलाई व्यक्तिगत ५ सय दिएर आफनो मोटरसाइकल लगेका छन् ।
डिउटिमा खटेका प्रहरी भन्छन् “डिएसपी सरलाई फोन गराइदिनु छोड दिन्छु ।” बिहिवार बेलुका नियन्त्रणमा लिएको मोटरसाइकलमध्ये ३ वटालाई डिएसपीको आदेशमा छाडिएको थियो त्यो पनि बिना जरिवानाको ।
यसबारे सञ्चारकर्मीले प्रहरी उपरिक्षक बेल बहादुर पाण्डेसंग बुझदा वहा“ले यसबारे आफुले बुझ्ने भनि बताउनु भयो ।
