वीरगन्ज । वीरगञ्ज महानगरपालिकाले पीसीआर परीक्षणका लागि स्वाब संकलन ( शुक्रबार) आजदेखि शुरु गर्ने भएको छ । अस्पतालमा गएर परीक्षण गर्दा संक्रमणको सम्भावना उच्च हुने भएकाले प्रत्येक वडा वडामा गएर घुम्ती टोलीमार्फत स्वाब संकलन गर्न लागिएको वीरगन्ज महानगरपालिकाका नगरप्रमुख विजय कुमार सरावगीले बताउनुभयो ।

परीक्षणको दायरा फराकिलो पार्न वडा वडाबाट पीसीआर परीक्षणका लागि स्वाब संकलन गर्ने क्रममा महानगरपालिका स्वास्थ्य महाशाखाले आदर्शनगरबाट शुक्रवारदेखि यसको थालनी गरिने भएको छ ।

शुक्रबार बिहान ७ बजेदेखि १० बजेसम्म वडा नम्बर १० मा स्वास्थ्य महाशाखाको घुम्ती टोलीले स्वाब संकलन गर्ने महानगरपालिकाका स्वास्थ्य तथा सामाजिक विकास महाशाखाका प्रमुख अरुण कुमार महतोले बताउनुभयो ।

नारायणी अस्पतालमा संक्रमितको चाप बढेकोले महानगरपालिकाले पनि स्वाब संकलन लामो समय पछि गर्न लागिएको बताए । जनशक्तिको समस्या तथा केही प्राविधिक समस्या भएपनि सबै आवश्यक स्रोतसाधनहरु बिहिवार बेलुकासम्म जुटाई सकेको र शुक्रवारदेखि शुरु गर्ने महतोको भनाई छ ।फोटो फाइल बाट।