वीरगञ्ज । वीरगञ्जस्थित नारायणी वयोधा अस्पतालमा उपचाररत एकजना कोरोना सङ्क्रमितको मृत्यु भएको छ ।
बैशाख १० गतेदेखि कोरोना पुष्टि भएर अस्पतालमा उपचाररत ७० वर्षीय वृद्धको सङ्क्रमणका कारण मृत्यु भएको जिल्ला प्रशासन कार्यालय पर्साले जनाएको छ ।
जिल्ला प्रशासन कार्यालय पर्साका कोभिड फोकल पर्सन विनय कुमार श्रीवास्तवका अनुसार मृतक पुरुष वीरगञ्ज महानगरपालिका वडा नम्बर १६ का बासिन्दा हुन् । उनको गएराति उपचार गर्दागर्दै साढे ८ बजे मृत्यु भएको श्रीवास्तवले जानकारी दिए ।
मंगलबार राति वृद्धको मृत्यु भएसँगै मृत्यु हुनेको संख्या ३८ पुगेको छ । मृत्यु भएकामध्ये वीरगञ्जको नारायणी अस्पतालमा २९ जनाको, नारायणी बयोधा अस्पतालमा ५ जना, नेशनल मेडिकल कलेजद्वारा सञ्चालित कोरोना अस्पतालमा ३ जना र गण्डक अस्पतालमा १ जनाको मृत्यु भएको हो ।
मृतक ३८ जनामध्ये पर्साका २७ जना, बाराका ७, सर्लाहीका २ जना, रौतहटका १ जना र एक जना भारतीय नागरिक रहेको श्रीवास्तवले बताए ।