मुकेश खेतान, वैशाख 20,वीरगन्ज।
दोश्रो चरणको कोरोना संक्रमण अत्यधिक तेज़ गतिले बढ्न थाले पछि जिला प्रशासन कार्यालय, पर्साले निषेधाज्ञा जारी गर्नुभएको छ। निषेधाज्ञा जारी भए पछि पर्सामा अत्यावश्यक औषधि र विशेष गरि वीरगन्जमा उपलब्ध नै नहुने औषधि बिरामी हरुले रक्सौल बाट पनि किनेर नल्याउन सके पछि बिरामी हरु र उनका आफन्त हरुले ग्रीन सिटी कार्यालयमा पुगेर गुनासो गर्ने क्रम बढेको छ।
उहाँ हरुले औषधि सेवा विगत कै भांति फेरि सञ्चालन गर्न अनुरोध समेत गरि रहनु भएका छन्।पाठक हरुलाई स्मरण रहोस् कि विगतको लक डाउनमा ग्रीन सिटीले अतिआवश्यक औषधि सेवा महिनो सम्म संचालन गर्नु भएको थियो।
बिरामी हरुले सास्ती नभोग्नु परोस्, भने अभिप्रायका साथ एक पटक पुन् औषधि सेवा सञ्चालनमा ल्याएको जानकारी ग्रीन सिटीका अध्यक्ष जय प्रकाश खेतानले वीरगन्ज सञ्जाल लाई दिनु भयो।

औषधि सेवा उपलब्ध गराउनका लागि ग्रीन सिटीले निम्न लिखित फोन नम्बर हरु सार्वजनिक गर्नु भएको छ।
9845266022
9855036610
ग्रीन सिटीले निशुल्क अक्सिजन र एम्बुलेन्स सेवा पनि सञ्चालन गरि राख्नु भएको जानकारी पनि अध्यक्ष खेतान ले दिनु भयो।