वीरगञ्ज । प्रधानमन्त्री केपी शर्मा ओलीले निषेधाज्ञा थप कडा हुने चेतावनी दिएका छन् । आज देशवासीका नाममा सम्बोधन गर्दै प्रधानमन्त्री ओलीले संक्रमणको चेन ब्रेकका लागि जारी निषेधाज्ञामा थप कडाइ गरिने बताएका छन्।
हाल कोरोना भाइरसको संक्रमण रोकथाम तथा न्यूनीकरणका लागि भनेर ४१ जिल्लामा निषेधाज्ञा जारी गरिएको छ।
यस्तै प्रधानमन्त्री ओलीले कोरोना भाईरसको संक्रमणबाट कसैको ज्यान गुमाउनु नपरोस भन्नेमा आफु सचेत रहेको बताए । कोरोना नियन्त्रणका लागि सबै निकाय परिचालन गरिएको उल्लेख गर्दै प्रधानमन्त्री ओलीले अक्सिजनको अवैध कारोबार गर्नेलाई कारवाही हुने भएका छन् ।
प्रधानमन्त्री ओलीले अक्सिजनको अभाव देखाउने, अवैध कारोबार गर्नेलाई कारवाही हुने बताए ।
यस्तै प्रधानमन्त्री ओलीले अस्पताल शैया लुकाउने अस्पतालहरुलाई समेत कारवाही हुने बताएका छन् ।
हालसम्म नेपालमा ८७ वटा पिसिआर ल्याब स्थापना भैसकेको रसबै प्रयोगशालाबाट परीक्षण भइरहेका पनि उनले बताए ।
यसैगरी सबै ससबै अस्पतालमा कोभिडको उपचार हुने व्यवस्था मिलाइएको पनि प्रधानमन्त्री ओलीले बताए । सरकारले ठूला अस्पताललाई कोभिड अस्पताल र साना अस्पताललाई नन कोभिड अस्पतालका रुपमा अघि बढाउने प्रक्रिया अघि बढाएको पनि उनले बताए ।
सरकारले उद्योगमा अक्सिजन आपूर्तिमा रोक लगाएको छ । ओलीले ठूलो अस्पतालहरुमा अक्सिजन प्लान्ट स्थापना गरिने समेत बताएका छन् ।