बारा | बारा प्रहरीले आईतबार दुई फरार प्रतिवादीलाई पक्राउ गरी कारागार चलान गरेको छ ।पक्राउ पर्नेमा कलैया वडा नं. १५ बस्ते गिता भन्ने मनिषा गिरी र भोला भन्ने बृजकिशोर पटेल रहेका छन् ।

जिल्ला प्रहरी कार्यालय बाराबाट खटिएको टोलीले लागुऔषध गाँजा र चोरीको मुद्दामा जिल्ला अदालतबाट जरिवाना र कैद सजाय तोकिएका उनीहरुलाई आईतबार पक्राउ गरेको हो ।

जिल्ला अदालत बाराले गिरीलाई लागुऔषध गाँजा मुद्दामा २०७४ साल भदौ ५ गते १ वर्ष कैद र दश हजार जरिवाना तोकेको थियो भने पटेललाई चोरी मुद्दामा २०७४ साल माघ १० गते १ महिना १५ दिन कैद र १२ हजार जरिवान तोकेको थियो ।

फरार रहदैं आएका उनीहरुलाई पक्राउ गरी अदालतमा पेश गरेकोमा अदालतको आदेशानुसार बीरगन्ज कारागार चलान गरिएको बाराका प्रहरी प्रवक्ता तथा प्रहरी नायव उपरिक्षक गौतम मिश्रले बताए ।