वीरगंज संजालबीरगन्ज | सोमवार इन्डियन प्रिमियर लीगमा कोलकाता नाइट राइडर्स र रोयल च्यालेन्जर्स बेंगलुरुबीचको खेल स्थगित भएको छ । कोभिडका कारण खेल पछिका लागि सारिएको हो । कोलकाताका कतिपय खेलाडी संक्रमित भएर ढलेपछि सबै खेलाडी र स्टाफ आइसोलेसनमा गएका छन् ।
त्यसपछि आईपीएलको बायोबबलमा विषयमा पनि प्रश्न उठ्न थालेका छन् । जुन टीमले पहिले कोलकाताविरुद्ध खेलेका थिए, तिनका खेलाडीको पनि स्वास्थ्य परीक्षण गर्नुपर्ने भएको छ ।
कोलकाताका खेलाडी वरुण चक्रवर्ती केही दिनअघि आईपीएलको बायोबबलबाट निस्केर काँधको स्क्यान गराउन गएका थिए । उनको कोरोना टेस्ट पोजिटिभ आएको छ । अर्का खेलाडी सन्दीप वारियर पनि कोरोना पोजिटिभ भएका छन् ।
अस्ट्रेलियाका फास्ट बलर प्याट कमिंग्सको स्वासथ्य राम्रो नरहेको बताइएको छ । आईपीएलले निकालेको प्रेस रिलीजमा चक्रवर्ती र वारियरले आइसोलेट गरेको र उनीहरूको स्वास्थ्यमा नजर राखिएको जनाएको छ । कोलकाताले आफ्ना खेलाडीहरूलाई दिनदिनै स्वास्थ्य जाँच गर्ने बताएको छ ।
