गोदावरी | कैलालीमा कोरोना भाइरसको संक्रमणबाट तत्कालीन संविधानसभा सदस्य रबनी चौधरीको निधन भएको छ। धनगढीस्थित नवजीवन अस्पतालमा उपचाररत चौधरीको आइतबार मृत्यु भएको हो।

कलेजो र मिर्गौला रोगले पीडित चौधरीलाई शनिबार अस्पताल भर्ना गरिएको थियो। कोरोना परीक्षण गराउँदा उनकाे रिपोर्ट पोजेटिभ आएको थियो।

एक्कासी स्वास्थ्यमा देखिएको गम्भीर समस्याका कारण उनको निधन भएको उनका श्रीमान् मोतीलालले बताए।कैलालीको लम्कीचुहा नगरपालिका–६ बागमारा निवासी ४४ वर्षीया चौधरी एमालेका तर्फबाट ०७० सालको संविधानसभा सदस्य थिइन्।