काठमाडौं । काठमाडौं उपत्यकामा एकैदिन २९ सय ५६ जनामा कोरोना भाइरस संक्रमण देखिएको छ ।
स्वास्थ्य मन्त्रालयका अनुसार आज काठमाडौंमा २४ सय ४, ललितपुरमा ४१९ र भक्तपुरमा १३३ जनामा कोरोना संक्रमण देखिएको हो ।
आज काठमाडौंपछि सबैभन्दा धेरै संक्रमित रूपन्देहीमा देखिएका छन् । यहाँ ४७३ जनामा कोरोना पुष्टि हुँदा बाँकेमा ४२२ संक्रमित थपिएका छन् । त्यस्तै आज दाङमा २५२, मोरङमा १६१ र पर्सामा १५३ जनामा संक्रमण पुष्टि भएको छ ।
मन्त्रालयका अनुसार १२ जिल्लामा ५०० भन्दा बढी संक्रमित रहेका छन् भने १० जिल्लामा २०० भन्दा बढी संक्रमित रहेका छन् ।
