वीरगञ्ज | पर्साको कालिकामाई गाउँपालिकाका प्रमुख नथुनी प्रसाद कुशवाहाको निधन भएको छ।
कालिकामाई गाउँपालिका – २ भेडिहारी टोल निवासी ७९ वर्षका प्रमुख कुशवाहाको शुक्रबार बिहान २ बजे निधन भएको गाउँपालिका कार्यालयले जानकारी दिएको छ।
स्वास्थ्य अवस्था बिग्रेपछि उनलाई उपचारका लागि वीरगञ्ज ल्याइएको थियो। सामान्य रुघाखोकी तथा ज्वरो आएपछि उनी वीरगञ्जमै आफ्नो छोराको डेरामा बसेर उपचार गराउँदै आएका थिए। यसक्रममा शुक्रबार बिहान उनकाे मृत्यु भएकाे हाे।
२०७४ सालको स्थानीय तहको निर्वाचनमा उनी नेपाल संघीय समाजवादी पार्टीबाट गाउँपालिका प्रमुखमा निर्वाचित भएका थिए।
