बिरगंज । बिरगंजमा जारी निषेधाज्ञाको पहिलो दिन आज बिहीबार निषेधाज्ञा उलंघन गर्ने सवारी साधन प्रहरीले नियन्त्रणमा लिएको छ ।घन्टाघर चौकमा जनपद प्रहरी , सशस्त्र प्रहरी र ट्राफिक प्रहरीको सन्युक्त टोलिले चेकजाँच कडाई गरेपछी बिना काम हिडेको भन्दै घन्टाघरमा मात्र ७५ वटा जति मोटरसाईकल प्रहरीले नियन्त्रणमा लिएको हो ।

पर्सा जिल्लामा दिनानुदिन कोरोनाको दोस्रो भेरियन्टको हट स्पट बन्दै गएपछि पर्सा जिल्लामा एक हप्ताको लागि लकडाउनको घोषणा गरिएको हो । जिल्ला कोभिड -१९ संकट व्यवस्थापन केन्द्र ( DCCMC) को मंगलवार बसेको बैठकले बैशाख १६ गते बिहान ४ बजेदेखि २२ गते रातीको १२ बजेसम्म एक साताको लागि लकडाउनको घोषणा गरेको हो।
लकडाउनमा अति आवस्यक काम बाहेक कसैलाई पनि घरबाहिर ननिस्कन आग्रह गर्दा पनि अटेर गरेको भन्दै सवारी साधन नियन्त्रणमा लिएको र नियन्त्रणमा लिएका मोटरसाइकलहरु एक हप्ता पछि छाडिने पर्साका प्रहरी उपरीक्षक बेल बहादुर पाण्डेले पर्सा पोस्टलाई बताउनु भयो ।
त्यसै गरि पर्सामा विहिवार देखि लकडाउनको घोषणा गरे सङै पर्साका प्रहरीहरु सकृयरुपमा लागेको भएपनि बारा जिल्लामा लकडाउन नहुदा त्याहाबाट आउने र जाने सवारी साधनलाई नियन्त्रणमा लिन अप्ठ्यारो भएको एक प्रहरीले बताए ।