बारा । बारामा ट्रयाक्टरको ठक्करबाट एकजनाको मृत्यु भएको छ। दुर्घटनामा कोल्हवी नगरपालिका–१० बसन्तपुर्वाकी ७० वर्षे अपाङ्ग बृद्धा सखतुरली देबी हजराको मृत्यु भएको हो ।

मंगलबार राति पौने १० बजेको समयमा गाउँको भित्री सडकमा जाँदै गरेको ना ४ त ९४५७ नम्बरको ट्रयाक्टरले ठक्कर दिँदा हजरा गम्भीर घाइते भएकी थिइन् ।

उनको उपचारको क्रममा बुधबार बिहान साढे १ बजे वीरगञ्जको नेशनल मेडिकल कलेजमा मृत्यु भएको बाराका प्रहरी प्रवक्ता एवम प्रहरी नायव उपरीक्षक गौतम मिश्रले जानकारी दिए ।

ठक्कर दिने ट्रयाक्टरका चालक बारागढी गाउँपालिका ३ मुर्किपलियाका २८ वर्षे लक्ष्मी पण्डितलाई नियन्त्रणमा लिएर थप अनुसन्धान भइरहेको मिश्रले बताए ।